الجمعة، 17 أبريل 2015

صباح الخير

بنصبّح بالعاميه..
..........................

صباح فرحان عشان خاطركْ 
صباح الخير تِبلّ الرّيقْ
صباح مُشتاقْ..يبوس خاطركْ
برئ وجرئ ..
لكنه ازاى.. متعرفشي..
قليل الحيلة.. مش مالِكْ

وأنا قلبي صباح متندّي ومروّقْ ..
بكل الحب متزوّقْ
عشان تفرح وهوه معدّي ف رْحالكْ

عشان ترتاحْ
يامالى القلب بالأفراحْ
وتبقى الدّنيا متّاخده ف غنوايه ..
وف الإنبوكس جيّالكْ

صباح الخير على كيفكْ ..
علي قلبك ..
يانور قلبي
على حبّكْ وموّالكْ

صباح الخير علي نَاسَكْ ..
يانَاسِكْ في رحابِ الشّوقْ..
وسايبْ ف الهوى وماسكْ ..
وقلبكْ ف الغرامْ مسروقْ

صباح الخفّه ع الحلوين.. يابو الحلوين 
 صباح الخير علي صحابكْ، ومن حَبّكْ..
 وأحبابكْ.. وَمَنْ ف الوحدّه بتحبكْ
صباح الخير لقرائَكْ وأتباعكْ .. لأفراحكْ وأوجاعكْ...
......... ولعيالكْ
صباح الخير ..
ولو نايم.. هاكون ف الحلم وصلالكْ
هأغنيها وهأبعتها..
 كما الإِشعارْ على الفيس بوك وأقولهالكْ
صباح الخيــــــــــر

HEBA

ليست هناك تعليقات:

إرسال تعليق