القلب متّاخد وراه
يا اخواننا حد يروح حَدَاه
يحكيله ع اللي صبحنا فيه
ويقوله ...
بتقولك يا بيه
الدّنيا والاحلام فداك
والقلب متّاخد وراك
هتردّه امتي يااسمك ايه؟
وتجيله وتسلم اليه
ولّا انت م بتفرق معاك؟!
هبة

وقضى القلبُ ألّا يذكرُ إلّا دنياكَ.. ألا رفقًا.. وبالعينينِ إحسانا,,

شهيد بيشيّع الشهدا..ونار ف القلب م بتهدا ولاشمس الجراح بتغيب..
Heba

سيلفى

ولو سيلفى.. ولو غيره
صوركم حلوه ف عينينا
وكل حبيب يشوف طيره .. ويستنّاه على المينا ..
يشاور ليِه.. ويختاره..
يمد اديه.. يحط الحِمل عن كتفه .. على كفّه،
ويحكي في البعاد ناره.. ويجرى عليه..
كإنه الروح وردّت له
ومهما الدنيا ودّت له من الأفرح
يكون مشتاق غناوينا
ويبعتله فى نظرة شوق ..
صباح الخير
ياسيد الناس.. هترجع إمتى وتجينا
تمدّ الروح فى تصاوريكْ ..نوفّيلك..
ولا يكفينا م الدنيا دى غير طلّه علي قلوبنا ..
هترضينا
ولا سيلفى ولا غيره
ده خير القلب من خيره
وكل حبيب يشوف طيره.. ويستنّاه على المينا ..

هبـــة