آآن

ألآآآآآآن
آآآآآآآآآآآآآآآآآآن
للذين توجعوا ..
أن يرجعوا
......أن تستقر قلوبهم
فى رياض الحريات
يا أيها النبض الذى
...كم فر هرباً..
من جحيم الصبر
من دثار الرعب
من كبد الآهات
يا أيها الشعب المناضل
الآن
كُفكفت الدموع
والقهر
كفنٌ للدمار
والصمتُ زلزله السكات
والنصر أعلنه انفجار
وانتصار
ثم برداً وسلاماً.. وثبات...!!!
_________
# كلمات /هبه عبد الوهاب

ضمّينــى..

ضمينى ..
___________

لمّينى ..
جوه أحضانك
وضمّينى
لو إسمى تــاه ف أغصانك
تِسَمّينى ..
وتاخدينى بعيــــد عنّى
ياللّى ف وجودى نور منّك
وانتى ف وجودك نور منّى ..
أو حتّى نــار
يالّلى ف هواكى
بندوق حلاوة الانتصار
***
يا بنت الليل وتسبيحه
ومنّك فجرى تصبيحه
وفيكى الصبح .. صار ضحكه
تلمّ الشوك وتجريحه
لمحت الطُهر ف عنيكى
على غصن الحنين داير
رسمت الفرح دار بيكى ..
لقيتك طفله بضفاير
فغنيتك ..
وغنّى الضى ويـايا
فضميتك
لصوره بشوفها ف مرايه
لقيت الروح بتهوانى ..
وحبيتك
لقيتك دنيا جوايا
بتحيينى
ودابت فيكى أحزانى
م تاخدينى
ف توبك يالله واحمينى
ولفّينى ف أوراقك
وهانسانى
وتنسينى
ولمّا أرجع ..
هـ ارفرف فوق ميادينك
ولمّا أتعب
راح أفرش شال على جبينك
هـ ا نام وارتاح على شطك
وهأتمدد
ولمّا أبرد ..
تغطينى.. تدفينى رياحينك
ولو روحى تجبلك نصر ..
فلا يمكن.. أنا اتردد
يا همس الروح ف تكوينى
م تاخدينى ..
ولمّينى ف أحضانك ..وضمّينى
وان إسمى تاه ف أغصانك ..
تسمّينى ..
_____
هبه عبد الوهاب