الجمعة، 18 أبريل 2014

بينى وبينك

بينى وبينك
(( أحلى قصيدة بالعاميه ..))
..
بينى وبينك
كام حدوته و ــ شرطه و، فصله وآخر كل حكاية ما بيننا ديمًا ديمًا ..
ديمًا نقطه .
بينى وبينك ّ شدّه
وأجمل ِِ كسرةِ عين بعشقها ،
وأصدق ُ ضمه وأعظم لقطه
بينى وبينك أحلى روايه ..
َََ فتحت كل بيبان الشوق ْ الساكنه
جوّه ضلوعى
ورغم عذابى المرّ ف بُعدك
مش هسمحلك (( ))وسط قوسين تتحكم فيّا
ولا تستنى ف بكره رجوعى
ولا بالفونط العاجز هأكتب عن أحزانى الغاليه عليه
ولا بدموعى اللولى راح افقل باب الدنيا
واستناك تتحكم فيّـا

هبـــــــــةعبد الوهاب