مدوناتى من العاميه ((متشـكـّــر ))

متشـكّـــر..

ومن حقك..

تغنى تقول..

أنا استكفيت

...أنا اللّى هوايا كان ذنبى ..

عشان حبيت

وسكّـنتك قصيدتى ف بيت ..

وخليته عشانك قصر..

ندهتلّك بنات حوا ..

يكونوا جوارى عاشقينك ..

وكل اوان ادان العصر..

تقوم و تسن سكـّـينك ..

وتدبح قلب كان فارش هواه رمشك..

تحنىّ إيديك بأوجاعه..

واشهدلك أنا بالنـّـصر..

تلاقى الرمش يتمخطــر..!!

كده حقك تغنى تقول ..

أنا استكفيت..

ومتشكـّـر

كلمــات / هـبـه عبد الوهاب