ولا على بالك

؟؟
للدرجه دى منيش على بالك ؟!
ولا محسوب من ضمن عيالك !!
لازم أسرق وأنهب مالك .. 
وآكُل حقك ..
وألعن أهلك ..
وأكتب يافطه 
أعلن فيها إن أنا ضمن رجال أعمالك !!
ليه بيعانى وأنا بفديكى 
وبايع كل الكون علشانكْولا على بالى غير موالْك ْ
للدرجه دى منيش على بالكْ
ولا فاكرانى
ليه يا بهيه ..
يا أم جدايل حلوه طويله ..
كنت أنا باحلم..
إن ضفايرك ليلة البرد هتفضل شالى .. هتغطينى
ويوم الحَر تكون ضُليله
لكن خنتى القلب العاشق ..
بعتى ضفايرك ولا على بالك ..
إن أنا واحد ضمن عيالك ..
إنا فى غيطانكْ
جوّه حيطانكْ ..
أنا نبتايه ..ودبلت فجأة فوق أغصانكْ
شايلك طول العمر ف قلبى ..واتعذبت أنا بين أحضانك
ياما حاربت كتير علشانكْ ..
برده بتنسى ساعة القسمه ..
إن أنا واحد ضمن عيالكْ ..
امتى تحنّى يامهاجرة بى ..ومهاجرالكْ
للدرجه دى منيش على بالك
.....

ولا عـزاء

ما تبقَّى ..
بعْض قلبٍ 
يقطر الأشعارَ ريقـًا 
فى فمِ الدُّنيــا تُضــاءْ

لستُ إلّاها أُغنّى 
أسْتقيها مِنْ نبيذِ الحزنِ صمتــًا 
ثمَّ أجنحُ فى هدوءٍ
كى أُسافرَ فى تراتيلِ المساءْ
ولا عـــزاءْ
ــــــــــــ

هبــة عبد الوهاب