الجمعة، 22 أبريل 2011

موشومه

كأنى اتوشمت بمصر ..
وهيّه بيّا موشومه ..
وانا اللّى ف غنايا
مابعرف سعيده .. ولاّ مكلومه
...بحبها غصب ..
وحبى همّ تقل ..
وتملّى فاضله فى حبها ..
محرومه
_______
هبه عبد الوهاب
مرسلة بواسطة في ليست هناك تعليقات:

حكايتى مع لندا

**
حكايتى مع لندا

ـــــــــــــــــــــــــــــــــ

أنا لندا كانت صحبتى
عايشه معايا ف دنيتى
كنّا بنلعب فى الغيطان
واتقاسمنا كتير سوا
ف بلادنا دى
طعم الهوان ..
والمسلمين والقبط
فى الشوارع كلها متجمعين
وأخوها مينا أما اتقتل
يوم كنيسة القديسين م اتفجرت
ـ أصل مينا
كان مصاحب
كل جدعان حتتى ـ
يومها لندا وأهلها
كرهو كل المسلمين
والذكريات الحلوه بينا اتدمرت
وافترقنا ..
والدموع مكانتش ع الواد اللّى راح
فى حادثة الجبن الخسيسه
انما كانت جنازة للمحبّه
اللّى ف يومها اتدبّحت بإيدين خبيثه
مرت الأيام علينا ..
اتوجعنا
ف كل مرة كات بتتقابل عنينا
والسكات بيلوم وجعنا
والدموع كات حاضنه خدى وخدها
والحقايق كلها
كات ضايعه خالص وقتها
نفسنا نرجع صحيح
ننسى أيام بكانا
بس مش عارفه افهّمها
اللّى حاصل ده
مليش ..
 ولا لـ مسلم يد فيه
والدمع ف خدونا اشتكى
ولو بكينا العمر كله
جرحنا مش هنداويه

واتقابلنا مرّه صدفه فى الميدان
اللّى فاضل م اللّى بيننا
زكراياتنا واللّى كان
والغضب ف سُكتنا كانت صرخته
بركان صخب
يوم الغضب
يوم ما رشّونا بقنابل م اللهب
يومها أخويا مد ايده وقالها ..
إوعى تنسى إن مينا
زى أخويا و كان حبيبى ..
ياما روحنا وياما جينا كتير زمان
ياما قضّينا النهار بنلعب
فى جناين البرتقان
عند الجيران
إوعى تنسى يا لندا إنه
عدوى هوّه عدوكم
ودم مينا بيجرى ف عروقنا يا لندا
دمّى هوّه دمّكم
ف النهايه
انا أصلى مصرى
وعمر مصر ما خلّفت
ف يوم جبان
وانا حلمى هوّه حلمكم
هاتى ايدك واحضنى
طعم الكرامه اللّى اتوأد
فى قلوبنا على مر الزمان
انهرده الحلم بينا بيتولد
بالوحده هيعود الأمان
الفرقه دى مش وقتها ..
قومى يالله ف وسطنا
كل مصر اتوحدت
وحقى هوه حقكم ..
كل ظالم ولّا طاغى
لو يفكّر
يوم يفرق شملنا
لازم يا لندا
نقوم بسرعه ونطرده من وسطنا
دى أرضنا
برده هيّه أرضكم

ــــــــــــــــــــــ
هبه عبد الوهاب
مرسلة بواسطة في ليست هناك تعليقات:

الخميس، 21 أبريل 2011

مش بايع



***
أنا مش متخلّى ولا بايع ..
ولا قلبى ف هواكى جبان
ولا حلمى ف أحضانك ضايع
ولا هاسكتلك زى زمان
...ولا هاسمح..
يا حبيبتى ف نيلك
يتقاسمو شوية غربان
أنا ثاير ..
من ساسى لراسى
وحفظت طريق الميدان
الثورة دى هدّت فرعونك
وانا قادر أهد الأحزان ..
ــــــــــــــ
هبه عبد الوهاب
مرسلة بواسطة في ليست هناك تعليقات:

الأربعاء، 20 أبريل 2011

مع إنّـك..!!





مع إن ف رمشك نور قتال
...ما بيعرف خوف
مع إنك شارد فى هوايا ..
وتملّى غُناك
مشتاق ملهوف
مع إنك راسم أحلامى
ونجومك
سكنت أيامى
ف سواد الليل
مع إن هواك
يحـ..لو غناه ويّا المواويل
وبرغم دا عارفه انك مُحتال
مراسيلك ديماً تتأخر
ورسالتك تقبل
100 تأويل
وأنا قلبى العاشق متحير
ف هواك ما بيعرف يا حبيبى
غير إنه يمييييل..؟
ـــــــــــــــــــ
هبه عبد الوهاب
مرسلة بواسطة في ليست هناك تعليقات:

الخميس، 14 أبريل 2011

بالله كيف


***
بالله كيف
ياصديق الحرف تعلو فى ثباتك
فلسفات الروح
تسكن فى أقاصى وجدها
...ومن غنائك بالحروف
المشرقات تغنجت
فى واحة الصمت المهيب
تتوجت
وصار يمضى
فى سكونك مجدها
فأنا المتيم فى غرامى
تنتشى منّى الحروف
وفى هواكم تبتغى
كل المعانى قصدها
_____________
هبه عبد عبد الوهاب
مرسلة بواسطة في ليست هناك تعليقات:

لا تطفئ شموسى


بالله لا تطفئ شموسى
فى حروفك سيدى ..
فلتدعها كى تهدهد
ما تبقى من غرامك فى دمى
لا ترهق الطرف المغامر
.بالبعاد..وبالعناد ..
عندما..
يأتيك طوعاً
فى سمائك
من هوانك
يحتمى
_________
هبه عبد الوهاب
مرسلة بواسطة في ليست هناك تعليقات:

الأحد، 10 أبريل 2011


أيا رجلاً..
يسافر فى خلايايا
لقرص الشمس يطفئه
ويعبر ضيق أوردتى
تجاه العالم الغربى مراتٍ ...
...ومراتٍ تجاه العالم المذهل
ويُبحر عبر أفكارى
ويـُدنينى ..لكى أقبل
ويـُقصينى
فلا أرحل
يـُدغدغُ عبر رحلته
كرات الدمّ فى صبرى
ويزعُم أنه المُرسل
إلى فردوس مرفئه
ولا يرسو على المرفأ
أيا رجلاً
هنا يحيا بلا مبدأ
____________
هبه عبد الوهاب
مرسلة بواسطة في ليست هناك تعليقات:

الاثنين، 4 أبريل 2011

ياللى هواك ألوان

يالّلى هواك ألوان...

ــــــــــــ

ياللى هواك ألوان ..
وانت بتتمايل
وتتعاجب
أنا مش هأقولك كش

قلبى ف هواك عطشان
والرمش كان مايل..
...ومش عاجب
والخيبه ماليه الوش
صبرى عليك موال
مش راضى يتغنى
والحب مين خلاااه
أغنيه م الجنه ..؟!!

رغم الشطوط حواليك
تملّى طير حيران
ماسك نيران بايديك
وانا لسّه ماده الحلم
ولهف قلبى عليك
زى النسيم للعيد
بس النسيم زعلان
ضامم هوانا إليك
وأمّا الحنين بيزيد
والحلم يصبح علم
بالقى هواك غرقان
فاصرخ ساعتها وأقول ..!!
حبك ده زى الموت
ف الحرب أو ف السلم
ــــــــــ
هبه عبد الوهاب
مرسلة بواسطة في ليست هناك تعليقات:

جُـنّ القلب


ثروات أنوثتى لهباً ..
...تُحـرّق فى نهاراتى
ظلام الليل أفلاكاً
تُهاجر فى حكاياتى
دوىّ الصمت فى صدرى
يفجر صوت أناتى
وجُنّ القلب ..وامتدت
هنالك نار مأساتى
وجُرحك..
سهمه ينفذ
يُسافر فى جناباتى
فهل أطفأت نيرانى
كما أشعلت آهاتى
وهل بالله تسمح لى
لأعبر حدّ أزماتى

كلمات /هبه عبد الوهاب __
مرسلة بواسطة في ليست هناك تعليقات:

هنــا ســــــــــرٌ


أنا عندى هنا سرٌ ..
لكى يبقى ..!!
أدلـّلــــه ..!!

ولكن ..
عشقنا دوماً
هنا يأبى ..
يُعاندنا ويفضحنا
وكلَ السر ِينقله !

يُجادلنى ..
ويسخر من معاناتى
ولا أقوى ..أُجادله !!

أنا عشقى يُسابقنى
إلى عينيك يرجوها
وتحت الجفن ِ يختبئُ
وأبقى كى أُحايلَه

ويبكى عند أزماتكْ
ويشدو حين تبتسمُ
يُردد لى حكاياتك ْ
وكل القول
آخرَه .. يُشابه فيه أولـُه

ورغم الطعن ِ فى جُرحى
أرانى حين أسمعه
يُضايقنى
ببعض الحكى عن أخرى
هُنالك عشت أُهملـُه

أظل الليل أنتظرُ
وخصْلاتي أُمشطها
تُعاتبنى
تُسائلنى
تُصارحنى بهمسٍ
عن تسبقها
تراقصها
تمنّيها أناملـَه

وأظفارى
أُهذبُها ..أُلونُها ..
تسائلنى كما اعتادت
بأى اللّون
فى عينيه أجملُه ..؟!!
وأثوابى ..
أعطرُها ..أُزينُها
وعقد الصدر حبات ٍ
من الأحلام أوصلـُه

وهمْساتى أُُرتبُها
أُلحنُها
وكل الشوق ..
بين الحرفِ والحرف ِ
أجيئُ إليه أحملُه

أنا عشقى يُلاحقنى
وحتّى الصمت ِ
فى الأنّات ِ يفضحنى
ونبض َ القلب ِ
رتّــله
وحتّى الدمع ِ
فى عينيّ راسله

يقيناً ..
أنّنى أهوى
وكظم ُ الشوق ِ
يقتلنى
ولا أقوى
أنا أبداً لأقتلَه

أنا عندى هنا سرٌ ..
يُجادلنى ..
ويسخر من معاناتى
ولا أقوى..أجادله !!
ــــــــــــ
هبه عبد الوها ب
مرسلة بواسطة في ليست هناك تعليقات:
الاشتراك في: الرسائل (Atom)