مدوناتى من العاميه (( مش خيـال ))

إتبرّى من طهرك..!!
لو يوم يدينك..!!
والعنى عُرفك ودينك..!!
واطعنى قلب التاريخ..!!
ادبحى على باب جوامعك..!!
...كل أمجاد سنينك !!
اعلنى كدبة صلاح..!!
واخنقى الصوت اللى صاح..!!
غرقى قبطان سفينك..!!
مهو ليه يا حلمى بتنحنى..؟؟
وانا منكسرتش..
والحرف الاسمر اللى شارد م الهزايم..
متخنقش
لساه على باب الأمل..
مسنود على جدار كعبتك
جواه سؤال..؟؟
الحلم حقك يا حبيبتى..
النصر فيكِ مش خيال ..!!
بس يومها ..
متقوليش انك حبيبتى
متعلنيش انك بلادى
انسى انك تبقى امى ..
اوتكونى من ولادى

كلمات / هبه عبد الوهاب