مدوناتى من العاميه (مش هـأقول الشـعــر فيــك)

مش هـاقول الشعـر فيـك

لو هأقول الشعر تانى ..

مش راح أكتب عن عنيك

...مش هــ غنيلك ياعمرى ..

مش هأقول الشعر فيك ..

مش هأقولك ..

انت ماضى ..

وانت حاضر ..

وانت آتى

وان حبك يا حياتى..

كل أحلا مى وغاياتى

وانى لمّا أميل عليك..

بألقى نفسى تايها فيك

وانى ديما بالقى روحى..

لمـّا بتـّوه بين ايديك

مش هأقولك ..

ع اللّى بيننا ..

واللّى جاى ..

ولاّ اللّى فات

وان شمسى ..

لو هتُشرق..

يوم ف دنيا ..

كل سكانها السُكات

مش هتشرق ..

غير ف نورك

مش هتدفى..

غير ف حضنك

لمّا تتغنى المعانى ..

فوق سطورك

تبقى روحى هيّه غصنك ..

وانى لو هافضل..

أغنّـّيلك ..

حبيبى بالساعات ..

وأنا بين ايديك ..

مش كفايه

مش بأقولك ... !!

مش كفايه الشعر فيك ..

لو هأقول انى بحبك ..

أصلى عارفه ..

انه بحبك ..

مش هتقدر

مره توصف..

اللى جوّه ..

قلبى ليّك

&&&
شعـــر / هبـه عبد الوهـاب